അടുത്തുള്ള കോളേജുകള്‍ തമ്മില്‍ മാനവ-ഭൗതിക വിഭവങ്ങള്‍ പരസ്പരം പങ്കുവയ്ക്കുന്നതിനും അതുവഴി വിദ്യാഭ്യാസത്തിന്‍റെ ഗുണനിലവാരവും പ്രവേശനവും വര്‍ധിപ്പിക്കാനും വിഭവങ്ങളുടെ പരമാവധി ഉപയോഗം സാധ്യമാക്കാനുമാണ് യു.ജി.സി ക്ലസ്റ്റര്‍ ഓഫ് കോളേജ്സ് എന്ന ആശയം അവതരിപ്പിച്ചത്. ഈ പദ്ധതി ഇതിലുള്‍പ്പെടുന്ന കോളേജുകള്‍ തമ്മില്‍ പശ്ചാത്തല സൗകര്യങ്ങുടെയും മാനവശേഷിയുടെയും പങ്കുവയ്ക്കല്‍ ഉറപ്പുവരുത്തുകയും പൊതുവായ സൗകര്യങ്ങള്‍ പുതുതായി രൂപീകരിക്കുകയും ചെയ്യുന്നു. 2009 മുതൽ തിരുവനന്തപുരം, എറണാകുളം, കോഴിക്കോട് എന്നീ മൂന്ന് ക്ലസ്റ്ററുകൾ പ്രവർത്തിക്കുന്നു. യഥാക്രമം അഞ്ചു, നാല്, അഞ്ചു അംഗ കോളേജുകളാണ് അവയിലെ അംഗങ്ങൾ. പൊതുവായ ഗവേഷണ ശാലകൾ, ആഡ് - ഓണ്‍ കോഴ്സുകൾ, യോഗാ ക്ലാസുകൾ, പൊതു ക്ലസ്റ്റർ ഗെയിമുകൾ, സാംസ്കാരിക പ്രവർത്തനങ്ങൾ, റെസിഡൻഷ്യൽ ക്യാമ്പുകൾ, ശില്പശാലകള്‍, അന്താരാഷ്ട്ര സമ്മേളനങ്ങൾ, പൊതു പുസ്തക പ്രസിദ്ധീകരണങ്ങൾ എന്നിവയാണ് കോളേജ് ക്ലസ്റ്ററുകളുടെ പ്രവർത്തനങ്ങൾ.

ഉന്നത വിദ്യാഭ്യാസത്തിsâ വ്യാപനത്തിനും പ്രവേശനത്തിനും ലഭ്യമായ സൗകര്യങ്ങളുടെ പരമാവധി ഉപയോഗത്തിലൂടെ ഉയർന്ന അക്കാദമിക് നിലവാരം കൈവരിക്കാനുapള്ള മാർഗമായി KSHEC ക്ലസ്റ്ററിനെ കാണുന്നു. ഓരോ ക്ലസ്റ്ററും സംയുക്ത ലക്ഷ്യങ്ങൾ രൂപപ്പെടുത്തn നടപ്പാക്കാനുള്ള സ്വമേധയായുള്ള കോളേജുകളുടെ കൂട്ടായ്മയാണ്. പ്രവേശനം, സമത്വം, ഗുണമേന്മ എന്നീ ദേശീയ ലക്ഷ്യങ്ങളാണ് അടിസ്ഥാനലക്ഷ്യങ്ങള്‍. ഓരോ കോളേജും ഒറ്റയ്ക്ക് ചെയ്യുന്നതിനേക്കാള്‍ കൂടുതൽ അക്കാദമിക പ്രവർത്തനങ്ങൾ നടത്താൻ ക്ലസ്റ്ററിലൂടെ കഴിയുന്നു.ഓരോ സ്ഥാപനത്തിനും തങ്ങള്‍ നിക്ഷേപിക്കുന്ന വിഭവങ്ങളെക്കാള്‍ വലിയ നേട്ടങ്ങളാണ് ഈ പദ്ധതിയിലൂടെ ലഭിക്കുന്നത്.